З паданняў былых пакаленняў

Падведзены вынікі раённага конкурсу летапісных зборнікаў “З паданняў былых пакаленняў”, які быў праведзены раённым вучэбна-метадычным кабінетам.

Метадыст раённага вучэбна-метадычнага кабінета Валянціна Марчанка расказала, што ўсяго на конкурс было пададзена 22 работы. Вучні складалі зборнікі па назвах вёсак і гарадоў, вывучалі матэрыялы архіўных крыніц, правялі інтэрв’юіраванне жыхароў Століншчыны, даказвалі сацыяльную і практычную значнасць сабранага матэрыялу.

Многія работы былі цікава аформлены і пададзены ў творчай форме. Вучні разам з педагогамі зазірнулі ў глыбіню стагоддзяў, раскапалі цікавыя гістарычныя звесткі.

Па выніках конкурсу ўзнагароджаны яго пераможцы. Гэта вучаніца 10 класа Альшанскай СШ № 2 Анастасія Крупкевіч, вучаніца 7 класа Стружскай СШ Ксенія Закрэўская, вучань 10 класа Стахаўскай СШ Раман Неўдах, вучань 5 класа Відзіборскай СШ Вячаслаў Бараноўскі, вучаніца 5 класа Відзіборскай СШ Дар’я Храпіцкая, вучаніца 11 класа СШ № 2 г. Давыд-Гарадка Рэгіна Ярошык, вучань 6 класа Хатамельскай СШ Арцём Ліпскі, вучаніца 11 класа Веляміцкай СШ Кацярына Мароз, вучань 6 класа Церабяжоўскай СШ Аляксандр Ракала, вучаніца 8 класа СШ № 2 г. Століна Анастасія Юнкевіч, вучаніца 9 класа СШ № 2 г. Століна Кацярына Шэлест, вучаніца 10 класа СШ № 3 г. Століна Аляксандра Вярэніч, вучні 8 класа Лядзецкага НПК ясляў-сада СШ Уладзіслаў Антановіч і Дзмітрый Антановіч, вучаніца 11 класа Беражноўскай СШ Дар’я Віткоўская, вучні Рубельскай СШ Аліна Пашкевіч, Ілона Пашкевіч, Галіна Машлякевіч і Вольга Пашкевіч, вучань 10 класа Фядорскай СШ Мікіта Туча, вучань 7 класа Каладнянскага НПК ясляў-сада БШ Максім Пашкевіч.

Віншуем пераможцаў і зычым надалей цікавіцца гісторыяй свайго роднага краю.

Таццяна СЕГЕН