Вяртанне да вытокаў кнігадрукавання
23.05.2017У 2017 годзе наша краіна адзначае значную дату – 500-годдзе беларускага і ўсходнеславянскага кнігадрукавання. Гэтаяпадзея звязаны з дзейнасцю славутага дзеяча беларускай культуры эпохі Адраджэння Францыска Скарыны.
Першадрукар, выдавец, рэдактар і перакладчык біблейскіх зводаў, аўтар арыгінальных прадмоў і каментарыяў да кніг Святога Пісання і іншых выданняў Францыск Скарына стаіць ля вытокаў нацыянальнай беларускай культуры. Веліч яго асобы ўвайшла ў гісторыю. Сваім жыццём і дзейнасцю ён падвёў своеасаблівы вынік развіцця ўсходнеславянскай культуры за пяць стагоддзяў, што прайшлі ад прыняцця хрысціянства, і даў новы напрамак, які арыентаваўся на агульначалавечыя каштоўнасці. У сувязі з выключнай значнасцю спадчыны беларускага першадрукара для айчыннай, агульнаславянскай і ў цэлым еўрапейскай культуры распрацоўваюцца комплексныя праграмы мерапрыемстваў па падрыхтоўцы і святкаванні паўтысячагадовага юбілею.
Да гэтай памятнай даты ў многіх установах адукацыі нашага раёна праводзяцца навуковыя, мастацкія, адукацыйныя і асветніцкія мерапрыемствы, арганізаваны тэматычныя выстаўкі. Ініцыятарам арганізацыі выставак, прысвечаных паўвекавому юбілею, стала загадчык раённага навучальна-метадычнага кабінета Валянціна Аляксандраўна Грэчка. Таму і першая такая выстаўка месціцца ў навучальна-метадычным кабінеце. Тут сабраны літаратурныя крыніцы ад вытокаў узнікнення беларускага кнігадрукавання і да нашых дзён. Самая рэрарытэтная кніга - Біблія, кошт якой асабліва цэніцца, датуецца 1517 годам і займае ганаровае месца сярод сабраных экспанатаў.
У нашай краіне заўсёды шанавалі друкаванае слова, - расказвае Валянціна Грэчка. - Асветнікі беларускага народа – фігуры еўрапейскага маштабу, сярод якіх Францыск Скарына займае выключнае месца. Яго называюць тытанам эпохі не толькі за распаўсюджванне друкарскай справы, але і за яго імкненне да ведаў і ідэі масавай адукацыі народа. 6 жніўня 1517 года Францыск Скарына адгарнуў новую старонку нашай культуры, зрабіўшы кнігу даступнай шырокаму колу грамадства. У чэшскай Празе ён надрукаваў першую Біблію на роднай мове. Гэта была чацвёртая ў свеце друкаваная Біблія на жывой мове народу (пасля нямецкай, італьянскай і чэшскай і сапраўдны подзвіг першадрукара. Але наша выстаўка прысвечана і іншым асветнікам беларускай зямлі. Асобныя стэнды знаёмяць з постацямі Ефрасінні Полацкай, Кірылы Тураўскага, Сімяона Полацкага, Сымона Буднага, Васіля Цяпінскага, Міколы Гусоўскага і іншых выдатных асветнік эпохі Адраджэння. Другая частка выстаўкі паведамляе пра знакамітых паэтаў, празаікаў, драматургаў, вучоных, публіцыстаў, якія ўнеслі значны уклад у развіццё беларускай літаратуры. Акцэнтуецца ўвага на творчасці вялікіх песняроў беларускага народа, класікаў нацыянальнай літаратуры Янкі Купалы і Якуба Коласа. Дакрэчы, 2017-ы год азнаменаваны таксама 135-гадовым юбілеем Янкі Купалы і Якуба Коласа.
На выстаўцы змяшчаецца багаты матэрыял. Уяе арганізатара маецца на мэце падрыхтаваць віртуальную экскурсію і разаслаць яе ў электронным выглядзе ва ўстановы адукацыі раёна, каб вучні маглі больш даведацца пра гісторыю ўзнікнення кнігадрукавання.
Дадзеную ідэю ўжо перанялі ў Асааўской сярэдняй школе. Выстаўка функцыянуе і паступова папаўняецца новымі экспанатамі. Да яе звяртаюцца падчас урокаў, выхаваўчых мерапрыемстваў, вучні ўстановы цікавяцца новай і патрэбнай інфармацыяй.
Адзіны на тэрыторыі Беларусі музей беларускага кнігадрукавання адкрыты ў 1990 годзе ў Полацку, - адзначае настаўнік рускай мовы і літаратуры Асаўской сярэдняй школы Ала Іванаўна Мартынюк. - Экспазіцыя музея размяшчаецца ў 15 залах, дзе дэманструецца каля двух з паловай тысяч музейных экспанатаў. Адна з самых рарытэтных кніг - «Евангелле вучыцельнае», выдадзенае ў друкарні Мамонічаў у Вільні ў 1595 годзе. Педагогі нашай установы, па ініцыятыве намесніка дырэктара па вучэбна-выхаваўчай рабоце Валянціны Міхайлаўны Платніцкай, вырашылі таксама падрыхтаваць выстаўку, прысвечаную 500-годдзю беларускага кнігадрукавання. Экспазіцыя дазваляе правесці невялічкую экскурсію ад вытокаў кнігадрукавання да нашых дзён, праглядаючы тыя значныя змены, якія адбыліся за паўстагоддзя. У якасці нагляднага матэрыялу выкарыстаны падручнікі, кнігі ад самых даўніх (якія толькі атрымалася знайсці) да сучасных аўтараў-землякоў.
Чытайце кнігі пра беларускіх асветнікаў. Любіце друкаванае слова, цаніце і паважайце кнігу так, як гэта рабілі нашы славутыя суайчыннікі. Нам ёсць што ўзгадаць, нам ёсць чым ганарыцца.
Людміла КАСПЯРОВІЧ