Інавацыйны педагагічны вопыт
20.03.201717 сакавіка на базе Лядзецкага вучэбна-педагагічнага комплекса яслі-сад сярэдняя школа прайшоў рэгіянальны семінар-практыкум «Інавацыйны педагагічны вопыт як умова і вынік інавацыйнай дзейнасці”. У мерапрыемстве прынялі ўдзел адміністрацыя і педагогі ўстаноў адукацыі, прадстаўнікі сярэдніх школ № 14 і № 16 г. Пінска, загадчык навучальна-метадычнага кабінета аддзела адукацыі, спорту і турызму Валянціна Аляксандраўна Грэчка і начальнік аддзела менеджменту якасці Брэсцкага абласнога інстытута развіцця адукацыі Адамчук Кацярына Давыдаўна.
У файе ўстановы ўдзельнікаў семінара прывіталі вучні і правялі невялічкую экскурсію ў музеі, парадавалі выкананнем мясцовых танцаў і беларускай мілагучнай гаворкай, што вельмі спадабалася гасцям.
Адкрыла семінар-практыкум Валянціна Грэчка і пазнаёміла з настаўнікамі з г. Пінска, якія ўжо маюць пэўны вопыт інавацыйнай дзейнасці. Педагогі расказалі пра тыя накірункі рэалізацыі інавацыйнага праекта, якія паспяхова апрабіруюцца ва ўстановах, і выказалі свае меркаванні наконт дадзенай нялёгкай пошукавай работы.
Візітную картку Лядзецкага ВПК яслі-сад сярэдняя школа прэзентавала дырэктар установы Ляшук Аксана Мікалаеўна, а намеснік дырэктара па вучэбнай рабоце Святлана Рыгораўна Царык падзялілася вопытам работы па асноўных напрамках рэалізацыі інавацыйнага праекта і расказала пра ўкараненне мадэлі вуснагістарычных даследаванняў роднга краю як сродку фарміравання сацыяльна-грамадзянскай кампетэнцыі навучэнцаў. Настаўнік фізічнай культуры Ляшук Міхаіл Лявонцьевіч паведаміў пра сродкі і тэхнічнае забеспячэнне інавацыйнай дзейнасці, якія выкарыстоўваюцца ў працэсе работы з вучнямі, а настаўнік беларускай мовы і літаратуры Святлана Іванаўна Ханавец пазнаёміла з лінгвістычнай работай “Тапанімічныя назвы вёскі Лядзец”. Сваімі ўражаннямі ад ўдзелу ў інавацыйным працэсе падзяліўся вучань 10 класа Аляксей Шыкунец, які далучыўся да работы ў дадзеным накірунку яшчэ ў 2009 годзе і да гэтага часу з’яўляецца актыўным удзельнікам інавацыйнага працэсу ў школе і даследча-пошукавай дзейнасці на тэрыторыі сваёй вёскі.
Пра традыцыі, якія склаліся ў сярэдняй школе № 2 г. Давыд-Гарадка, расказалі намеснік дырэктара па вучэбнай дзейнасці Свірыдчук Наталля Уладзіміраўна і намеснік дырэктара па выхаваўчай рабоце Казуля Юлія Васільеўна. Яны паказалі відэафільм-прэзентацыю работы ў школе і метадычныя распрацоўкі, якія сведчаць пра напрацоўкі ў інавацыйнай дзейнасці, падзяліліся вопытам распрацоўкі і арганізацыі веламаршрутаў па месцах баявой славы, па святых месцах, а таксама праектаў, якія ўкараняюцца і рэалізуюцца ў адукацыйна-выхаваўчым працэсе. На сайце ўстановы пастаянна размяшчаецца і абнаўляецца адпаведная інфармацыя, таму калегам, якія робяць першыя крокі ў дадзеным кірунку, іх вопыт будзе вельмі карысным і можа быць выкарыстаны падчас работы з вучнямі ў якасці станоўчага прыкладу.
Дырэктар Рамельскай сярэдняй школы Пытэль Наталля Мікалаеўна пазнаёміла з тымі даследаваннямі, якія былі праведзены ў сельскім населеным пункце па вывучэнні вуснай-народнай творчасці і побыту рамельцаў. Як сведчанне таму багаты метадычны матэрыял, які падрыхтавалі педагогі за перыяд работы над праектам.
У працэсе работы семінара-практыкума выступілі вучні ўстаноў адукацыі, якія заняты інавацыйнай дзейнасцю. Вучаніца 9 класа Рамельскай сярэдняй школы Вольга Аблавушка расказала пра ганаровага жыхара аграгарадка Рамель, настаўніка працоўнага навучання Рыгора Міхайлавіча Супрунчыка. Вучаніца 6 класа Лядзецкага ВПК яслі-сад сярэдняя школа Настасся Скулавец зацікавіла прысутных даследчай працай па вывучэнні такога занятку жыхароў аграгарадка Лядзец, як гандаль насеннем, а вучань 6 шкласа дадзенай установы Уладзіслаў выступіў з дакладам “Наша зорка зямная: Герой Сацыялістычнай працы Вольга Сільвестараўна Шыкунец”. Вучні сярэдняй школы № 2 г. Давыд-Гарадка пад кіраўніцтвам настаўніка гісторыі Людмілы Канстанцінаўны Казёлка цэлы дакументальны фільм прысвяцілі памяці ахвяр халакоста, які быў прэзентаваны ўдзельнікам мерапрыемства.
Пасля выступілі настаўнікі-прадстаўнікі ўстаноў адукацыі г. Пінска і расказалі пра тое, якая работа вядзецца ў іхніх школах, падзяліліся станоўчымі эмоцыямі, якія ўзніклі ў працэсе знаёмства са Століншчынай і багатымі напрацоўкамі, якія ўжо ёсць у тых школах, якія заняты інавацыйтай дзейнасцю толькі першы год. Сваё меркаванне ад убачанага і пачутага выказалі прадстаўнікі ўстаноў, у якіх толькі плануецца ўкараніць дадзены накірунак дзейнасці ў будучым навучальным годзе.
Пасля майстар-клас “Прыёмы стварэння вусных гістарычных крыніц. Прыёмы збора і фіксацыі матэрыялаў і формы іх прадстаўлення” правяла Святлана Царык. Удзельнікі мерапрыемства з цікавасцю ўключыліся ў практычную дзейнасць, запаўнялі анкеты, складвалі пытанні рэспандэнтам, спрабавалі праводзіць інтэрв’ю і адкрыта адказвалі на самыя неспадзяваныя пытанні.
Вынікі работы рэгіянальнага семінара-практыкума падвяла намеснік начальніка аддзела адукацыі, спорту і турызму Алена Васільеўна Васькавец і падкрэсліла, што ў школах сёння многае робіцца ў накірунках, зададзеных Міністэртвам адукацыі Рэспублікі Беларусь, педагогі не стаяць на месцы, а няспынна рухаюцца наперад і іх работа адпавядае ўсім сучасным патрабаванням. А Кацярына Давыдаўна падкрэсліла той факт, што ў Год Культуры са звычайных рэчаў педагогі могуць зрабіць самыя сапраўдныя адкрыцці. Сведчаннем таму стаў дадзены семінар-практыкум. Яна адзначыла, што ў наш час інавацыі патрэбны ўсюды, а дадзенае мерапремства даказала, што на Століншчыне ёсць што паказаці і чым падзяліцца. Кацярына Адамчук падзякавала педагогам за тую цікавую і змястоўную працу, якая была праведзена, а таксама за ўдзел у дадзеным мерапрыемстве.
Людміла КАСПЯРОВІЧ
Фота аўтара